تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :

صابلي

المقادير:

250 غ زبدة

كاس صغير زيت

كاس عنبة سكر

1 بيضة

فاني

الدقيق حسب الخليط

مفيهاش الخميرة

للتزين:

سكر بودرة

 مربى المشماش

 لوز إفيلي

 نباج

 زبدة الكاوكاو

 زنجلان

 شعرية الشكلاط

 مربى الفريز

طريقة التحضير:

نخدمو الزبدة والسكر وفاني ونضيف الزيت ونخدمها ونضيف البيضة ونخدمها مزيان ونبدا نضيف الدقيق شوية بشوية غير تجمع مزيان نوقف ومندلكهاش حيث العجينة ديال الزبدة كل ما دلكتها غادي تطلب الدقيق أكثروكنخلطو العجين حتى يتماسك وندلكو العجينة بالمدلك .

بالنسبة للشكل الاول كنقطعوه بالمرشم ديال الوردة والنصف الاخر ديالو كنقطعوه بمرشم اخر صغيرثم نستف الحلوة فالطاوة وندخلها لفران

منين يطيب الشكل الاول كندردرو عليه السكر كلاصي ونلصقوهم بمربى المشمش

طريقة تحضير المربى لتزيين الحلوى:

كنديرو المربى يسخن مع 2 معالق كبار سكر ونخليوها تغلى شوية باش تعلك وتبقى الحلوى لاصقة ونديرو نفس الطريقة لمربى الفريز

اما بالنسبة للشكل الثاني كنقطعوه على شكل قلب وندهنو النصف بابيض البيض ونغمسها في الزنجلان من بعد ندخلو الحلوى لفران طيب والصور توضح وبالف هناء.