تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :                 
تارت بريستيج معلكة بالليمون.

المقادير :

*التارت:

2 بيضات

كاس عنبة زيت

كاس صغير كوك

ليمونة مسلوقة 2 مرات

 خمارة

200غ سنيدة

200غ طحين

ليمونة معصرة للسقي

*صوص الليمون

كاس عصير الليمون

 سنيدة حسب الدوق

 ملعقة كريم باتسيير او نشا

نخلطو العناصر ونوضعوهم فوق النار حتى يعقاد الخليط ونزولوه من فوق النار  ونزيدو عليه دانون ديال الكوك ونحركو الخليط مزيان ونخليوه يبرد

 طريقة التحضير :

نسلقو ليمونة ونحيدو ليها الما فاش تصلقات ونعاودو نسلقوها فماء جديد ونقطعوها ونحيدو ليها لعظام ونطحنو الليمونة مع السنيدة مزيان

نصبو الخليط فاناء ونضيفو باقي العناصر و فالأخير الدقيق و الخمارة و نخلطو مزيان

 نصبو الخليط فالمول مدهون بالزبدة و الدقيق وندخلوها طيب وملي نخرجوها نسقيوها بعصير الليمون عادي و هي سخونة ثم نزينوها بصوص الليمون لي حضرنا و اللوز ايفيلي و قطع الليمون و عند التقديم نزلو معاها صوص الليمون و بألف صحة.