كراتان بالبطاطا و الكفتة

كراتان

تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :

كراتان بالبطاطا و الكفتة
المكونات:
كيلو بطاطا
2 بصلات مشنفين
2ضروس تومة
نصف كيلو كفتة
200مل كريم فريش
2 فرماجات .
3 بيضات
كاس صغير حليب
شوية الزيت
شوية زيت البلدية
شوية موطارد
شوية صلصة الصوجا
بشاميل (2 م الزبدة-2 م الدقيق-كاس كبير حليب-شوية الجوزة-ملح-ابزار-جبنمعلقة ص تحميرة)
معلقة ص سكينجبير
نصف معلقة ص ابزار
معلقة ص كامون
شوية الخرقوم
ملح
شوية قرفة
شوية المعدنوس
شوية الهريسة
طريقة التحضير:
اول حاجة كناخد البطاطا كنقطعها قطع صغيرة و كنسلقها مع شوية الملح و الزيت
ملي تسلقات صفيتها من هاد الماء
وجدت كاس حليب مع اي فرماج عندي و الموطارد مع كريم فريش والسر ديال البنة شوية ديال السمن اقل من راس المعلقة و من طبيعة الحال ملح و ابزار و الجوزة و درتهم فوق البوطة على نار مهيلة
وزدت عليهم البطاطا بعد ما صفيتها و بديت كنخلط الخليط ديالي باش يولي بحال Purée حتى يعقاد بحال العجينة
جبت مقيلة ديالي متكونش كتلصق و درت فيها البصلة و الربيع و التوابل ديالي مع الصوجا و الثومة و الهريسة و خليتهم يتقلاو مع الزيت
ملي البصلة طلقات الماء و بدات كتدبل حطيت الكفتة ديالي مع كاس ديال الما و خليتها تشحر حتى طابت و ملي طابت زدت عليها الزيت البلدية و خليتها تطيب حتى نشفات طفيت البوطة على الكفتة و بديت كنحضر البشاميل:
ملعقة الزبدة-2 ملاعق الدقيق-كاس كبير حليب-شوية الجوزة-ملح-ابزار-جبن كندوب الزبدة و كنزيد الدقيق كنخلي كلشي يطيب عاد نزيد الحليب و الجبن و الملح الابزار الجوزة ملي يعقاد نطفي البوطة و نخليه يبرد و سلقت البيض و قطعت الى نصفين .جبت المول ديالي و بديت بالبشاميل و قسمت البطاطا الى نصفين و حطيت طبقة ديال البطاطا وطبقة ديال الحشوة ديال الكفتة ومن الفوق البشاميل و البيض و اخيرا زدت طبقة ديال البطاطا و البشاميل من الفوق و دخلتها الفران حتى تحمر و جبت الفرماج محكوك وزينتو بها من الفوق وبالصحة والراحة

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق