تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :                 
حلوة لاكريم بالشكلاط

*- مقادير تحضير حلوة لاكريم بالشكلاط:

*- مقاديرتحضير الجنواز :

اربع بيضات

125 غ زبدة رطبة

125 غ دقيق

250 غ سنيدة

50 غ شكلاط

4 معالق كبيره قهوة سريعة الذوبان.

شوية الخميرة

*- مقادير الكريما:

كريم فريش

شكلاط اسود من النوع الجيد

*- طريقة تحضير تحضير حلوة لاكريم بالشكلاط:

كنطربو البيض وسنيدة حتى يولي مرغوي وخفيف و كنعبرو الفورص والكاكاو ونغربلوهم مع الخميرة و كنضيفوهم من الفوق لتحت على دفعات ماشي دقة وحدة ونخويوه فطاوة بها ورق سلفيريزي ضروري ومؤكد وندخلوها لفران 20 دقيقة حتى ل 15 اطول مدة على حساب الفران و قطعنا دائرة والثانية رقعتها وخدمت نصف مقادير لاجينواز باش عطاتني الدائرة الثالثة ونسقيوهم بالسيرو لي عبارة عن كاس دالما ونص كاس سنيدة ومعلقة كبيرة كاكاو و من بعد مادخلت الدائرة الولا وسقيتها بالسيرو نبداو نعمرو بلاكريم و فكاسرونة كنديرو كمية من كريم فريش فوق النار ملي يغلى نطفيو البوطة ونزيدو شكلاط مقطع ونبداو نحركو حتى يدوب ونديروه فالثلاجة حتى يبرد و كنخرجوه من الثلاجة نديروه فالخلاط ونزيدو الكاكاو ونطربوه و ملي يثقال ويتقاربو الخطوط نحبسو حيت يلا فات الحد غادي يجي يابساوا نكملو المونتاج ديالنا نديرو الدايرة التانية ونسقيو تم الكريم والثالثة من بعد نعبرو العلو ديال الحلوة من برا ونقطعو ورق  سلفيريزي بالمقص على حساب العبار الي خدنا وندهنوه بالشكلاط دايب من بعد ماتبرد الحلوى نخرجوها من الثلاجة ونلصقو الشريط لي طلينا بالشكلاط غير بيرد نزولوه وكنديرو خطوط بلاكاناش دالشكلاط ولاكريم حسب الرغبة نزوقو الجناب بلاكريم لي شاطلنا و بالصحة و الراحة